රට පුරා පවතින ඉන්ධන ලබා ගැනීමේ පෝලිම් බදාදා හෝ බ්‍රහස්පතින්දා වන විට ලිහිල් වනු ඇතැයි අපේක්ෂා කරන බව බලශක්ති අමාත්‍ය අනුර කරුණාතිලක මහතා අද පාර්ලිමේන්තුවේදී සහතික විය.
ඉරිදා දිනයේ ඉන්ධන බෙදා හැරීම අත්හිටුවීම හේතුවෙන් අද දිනයේ ඉන්ධන පෝලිම් ඉහළ ගොස් ඇති බව අමාත්‍යවරයා පැවසීය.
ඉන්ධන අලෙවියෙන් සිදුවන පාඩු හේතුවෙන් ඇතැම් පෞද්ගලික ඉන්ධන සමාගම් තම සැපයුම් සීමා කිරීම නිසා ප්‍රදේශ කිහිපයකම පෝලිම් වාර්තා වී ඇති බව ඔහු සඳහන් කළේය.
ප්‍රමාණවත් ඉන්ධන තොග පවත්වාගෙන යන ලෙසත්, කිසිදු හිඟයක් ඇති නොවන බවට වග බලා ගන්නා ලෙසත් පෞද්ගලික ඉන්ධන සමාගම්වලට උපදෙස් ලබා දී ඇති බව අමාත්‍ය කරුණාතිලක මහතා පැවසීය.
එම සමාගම් සමඟ ඇති කරගෙන ඇති ගිවිසුම්වලට අනුව, ඉන්ධන සැපයුම සම්බන්ධයෙන් පෞද්ගලික සමාගම්වලට නියෝග කිරීමට රජයට බලයක් නොමැති බව ද ඔහු සඳහන් කළේය
