එකතු කළ අගය මත බදු සංශෝධන ඇතුළත්, ජූලි මස පළමුවෙනිදා සිට ක්රියාත්මක වන පරිදි ක්රියාත්මක කිරීමට නියමිත ගැසට් පත්රය මුදල් ක්රමසම්පාදන සහ ආර්ථික සංවර්ධන අමාත්යාංශය විසින් නිකුත් කර ඇත.
ඒ අනුව ඉලෙක්ට්රොනික වේදිකා මත සපයන සේවා සඳහා වැට් අයකිරීම් ජූලි මස පළමුවෙනිදා සිට සිදු කෙරෙනු ඇත. ප්රධාන ප්රඥප්තියේ 10 වන වගන්තියේ ඇතුළත් බදු සඳහා තැනැත්තන් ලියාපදිංචි කිරීම සඳහා යන සීමා අඩු කිරීමට පියවර ගෙන තිබෙන අතර එය ද ජූලි මස පළමුවෙනිදා සිට ක්රියාත්මක වේ.
ඒ අනුව යම් බදු අය කළ හැකි කාලසීමාවක් අවසානයේදී එම තැනැත්තාගේ බදු අය කළ හැකි කාලසීමව තුළ දී ශ්රී ලංකාව තුළ භාණ්ඩ හෝ සේවා හෝ භාණ්ඩ සම සේවාවල බදු අය කළ හැකි සැපයුම්වල සමස්ත වටිනාකම රුපියල් මිලියන නවයක් ඉක්මවා තිබිය යුතුය.
එමෙන්ම මූල්ය සේවා මත වන වැට් බදු සියයට 18 සිට සියයට 20.5 දක්වා වැඩිකිරීමට යෝජනා කර තිබේ. ඩිජිටල් සේවා මත බදු ලියාපදිංචි කිරීම සහ ගෙවීම සඳහා විධිවිධාන සලස්වනු ඇත.
