මෙරට පැවති එල්.ටී.ටී.ඊ ත්රස්තවාදය පරාජයට පත් කර අදට වසර 16ක් සපිරේ.
2009 වසරේ මැයි 18 වනදා නන්දිකඩාල් කලපුවේ දී එල්.ටී.ටී.ඊ නායක වේළුපිල්ලේ ප්රභාකරන් රණවිරුවන් අතින් ජිවිතක්ෂයට පත්විමත් සමග එතෙක් පැවති කුරිරු යුද්ධය නිමාවට පත් කෙරුණි.
ලොව විශාලතම මානුෂිය මෙහෙයුම මගින් ප්රාණ ඇපයේ සිටි සිවිල් වැසියන් දහස් ගණනක් එල්.ටී.ටී.ඊ ග්රහණයෙන් මුදාගැනිමේ ගෞරවය ද මෙරට ආරක්ෂක අංශ වෙත හිමි වේ.
යුධ ජයග්රහණයට වසර 16ක් සපිරීම නිමිත්තෙන් “ජාතික විජයග්රාහි සැමරුම් උත්සවය” හෙට දිනයේ පැවැත්වීමට නියමිතව තිබේ.
ශ්රී ජයවර්ධනපුර කෝට්ටේ පිහිටි රණවිරු ස්මාරකය අභියස දී පස්වරු 4 සිට 6 දක්වා මෙම සැමරුම් උත්සවය පැවැත්වීමට නියමිතයි.
නියෝජ්ය ආරක්ෂක අමාත්ය විශ්රාමික මේජර් ජනරාල් අරුණ ජයසේකර මහතාගේ ප්රධානත්වයෙන් පැවැත්වෙන මෙම ජාතික රණවිරු අනුස්මරණ උත්සවය සඳහා ත්රස්තවාදය නිමා කිරීමට ත්රිවිධ හමුදාවට නායකත්වය ලබාදුන් ෆීල්ඩ් මාර්ෂල් සරත් ෆොන්සේකා, අද්මිරාල් ඔෆ් ද ෆ්ලීට් වසන්ත කරන්නාගොඩ සහ මාර්ෂල් ඔෆ් ද එයාර් ෆෝස් රොෂාන් ගුණතිලක ද සහභාගී වීමට නියමිතව තිබේ.
