අද පස්වරු කාලයේ දී විදේශිකයෙකු විසින් කොලඹ පිහිටි රුසියානු තානාපති කාර්‍යාලයට ලැප්ටොප් පරිඝනකයක් ලබාදී එසැණින් එම විදේශිකයා එම ස්ථානයෙන් පිටව යාම නිසා බෝම්බ බියක් ඇති වී තිබුණි.
ඒ අනුව විශේෂ කාර්‍ය බලකාය,විශේෂ කාර්‍ය බලකායේ බෝම්බ නිශ්ක්‍රීය අංශය, කුරුදුවත්ත පොලීසිය ඇතුලු කන්ඩායමක් විසින් මේ පිලිබද විමර්ශනය කරනු ලැබීය.
පොලිස් සුනඛ අංශයේ ලෝර්ඩ් නැමති සුනඛයා ද මෙම පරීක්ෂණ කටයුතු සඳහා යොදවා ගනු ලැබුණි.
මූලික පරීක්ෂණ වලින් අනතුරුව ඉදිරි විමර්ශන සදහා කුරුදුවත්ත පොලීසිය විසින් පරිඝනකය රැගෙන ගිය අතර කුරුදුවත්ත පොලීසියේ නිලධාරීන් විසින් ඉදිරි විමර්ශන සිදුකරනු ලබයි.