වැඩි අවධානයක් යොමු කළ යුතු කාලපරිච්ඡේදයක් එළඹ තිබේ. නවතම ජන හා නිවාස සංගණන දත්තවලට අනුව, දරුවන්ගේ අනුපාතය අඩුවෙමින් පවතින අතර, 65ට වැඩි වැඩිහිටි ජනගහනය සහ ආයු අපේක්ෂාව ක්රමයෙන් ඉහළ යමින් පවතී. මෙම තත්ත්වය හුදෙක් ජනගහන සංඛ්යාලේඛන වෙනසක් පමණක් නොව, ඉදිරි ආර්ථික ගමන්මගට සෘජුවම බලපාන තීරණාත්මක සාධකයකි.
- ළමා ජනගහනය අඩුවීම සහ වැඩිහිටි ප්රතිශතය ඉහළ යාම
මෑත කාලීන සංගණන වාර්තා පෙන්වා දෙන්නේ ශ්රී ලංකාවේ ජනගහන ව්යුහය වේගයෙන් වයස්ගත වන සමාජයක් වෙත හැරෙමින් පවතින බවයි. 2012 වසරේදී සමස්ත ජනගහනයෙන් 25.2ක් වූ වයස අවුරුදු 15ට අඩු දරුවන්ගේ ප්රතිශතය, 2024 වන විට 20.7 දක්වා පහත වැටී ඇත.
ඊට සමාන්තරව, වයස අවුරුදු 65 සහ ඉන් ඉහළ වැඩිහිටි ජනගහන ප්රතිශතය 2012 දී පැවති 7.9 සිට 2024 වන විට 12.6 දක්වා සැලකිය යුතු ලෙස වර්ධනය වී තිබේ. විශේෂයෙන්ම රටේ සරුභාවය හෙවත් උපත් අනුපාතය කාන්තාවකට දරුවන් 1.3ක් දක්වා අඩුවීම හේතුවෙන්, ඉදිරියේදී ශ්රම වෙළඳපොළට පිවිසෙන නව පරම්පරාවල ප්රමාණය ක්රමයෙන් හැකිලීමට ලක්වෙමින් පවතී.
- ශ්රම බලකාය හැකිලීම සහ කාන්තා ශ්රම දායකත්වයේ වැදගත්කම
මෙම ජනගහන වෙනසෙහි බලපෑම ක්ෂණිකව නොපෙනී ගියද, අනාගත ශ්රම බලකායේ ප්රමාණය දැනටමත් තීරණය වෙමින් පවතී. 2024 වසරේ ශ්රම බලකායට සහභාගී වීමේ අනුපාතය 47.4ක් ලෙස සටහන් වී ඇති අතර, සමස්ත ශ්රම බලකාය 2021 දී මිලියන 8.55ක් වූ වග 2024 වන විට මිලියන 8.32 දක්වා පහත වැටී ඇත.
මෙම අභියෝගයට මුහුණ දීම සඳහා පවතින ශ්රම බලකාය වඩාත් කාර්යක්ෂමව හා පුළුල් ලෙස භාවිත කිරීම අත්යවශ්ය වේ. විශේෂයෙන්ම, විවාහයෙන් හා දරු ප්රසූතියෙන් පසු කාන්තාවන්ට රැකියා සඳහා යළි පිවිසීමට හෝ අඛණ්ඩව රැඳී සිටීමට අවශ්ය පහසුකම් සැලසීම මෙහිදී ප්රධාන වේ. දැරිය හැකි දිවා සුරැකුම් මධ්යස්ථාන, නම්යශීලී සේවා කාල රාමු සහ පවුල් ජීවිතය මෙන්ම වෘත්තීය ජීවිතයද සමබර කරගත හැකි වැඩපිළිවෙළක් සකස් කිරීම හරහා මෙරට අක්රියව පවතින මානව සම්පත රටේ ආර්ථිකයට දායක කරගැනීමට අවස්ථාව සැලසේ.
- සෞඛ්ය සේවා, සමාජ ආරක්ෂණය සහ සංක්රමණික බලපෑම්
වැඩිහිටි ජනගහනය ඉහළ යාම නිසා රෝහල් පහසුකම්, විශ්රාම වැටුප් සහ දිගුකාලීන සෞඛ්ය සේවා සඳහා රජයට දැරීමට සිදුවන පිරිවැය ඉහළ යනු ඇත.
වැඩිහිටියන් රැකබලා ගැනීම සඳහා පවුල් මට්ටමින් සහ රාජ්ය මට්ටමින් ක්රමවත් සූදානමක් අවශ්ය වේ.
තවද, මෑත වසරවලදී බුද්ධි ගලනය සහ රැකියා සඳහා රටින් බැහැර වූ තරුණ හා කුසලතා පූර්ණ පිරිසගේ සංක්රමණය ද දේශීය ශ්රම වෙළඳපොළට තදින් බලපා ඇත. එබැවින්, තාවකාලික විසඳුම් මත පමණක් යැපීමෙන් තොරව, පවතින ශ්රමිකයන්ගේ නිෂ්පාදන ඵලදායිතාව ඉහළ නැංවීම, දිගු කලක් ආර්ථික වශයෙන් සක්රීයව සිටීමට අවස්ථාව සලසා දීම සහ විදෙස්ගත වන සහ නැවත පැමිණෙන ශ්රමිකයන් පිළිබඳ නිවැරදි දත්ත මත පදනම් වූ ජාතික ප්රතිපත්තියක් ක්රියාත්මක කිරීම කාලීන අවශ්යතාවකි.
රජයේ අයවැය ප්රතිපත්ති, කම්කරු නීති සහ සමාජ සුබසාධන සේවා මෙම නව ජනගහන යථාර්ථයට අනුගත කරගැනීම හරහා පමණක්, අනාගත මූල්ය අභියෝග සාර්ථකව ජයගත හැකි වනු ඇත.
