පසුගියදා අධිකරණ පරිශ්‍රයේ ඇති වූ බව කියන ආරවුලක් සම්බන්ධයෙන් ගල්කිස්ස මහේස්ත්‍රාත් අධිකරණය හමුවේ පෙනී සිටි නීතිඥ ගුණරත්න වන්නිනායක ඇප මත මුදා හැර තිබේ.
ඒ, රුපියල් ලක්ෂ 5 බැගින් වූ ශරීර ඇප දෙකක් මතයි.
ඔක්තෝබර් 10 වන දින ගල්කිස්ස අධිකරණ පරිශ්‍රයේදී පොලිස් කොස්තාපල්වරයෙකු සමඟ ඇති වූ බව කියන ආරවුලක් සම්බන්ධයෙන් ගුණරත්න වන්නිනායක අද අධිකරණයට පැමිණියේය.
අධිකරණ පරිශ්‍රයෙන් වාහනයක් ඉවත් කිරීම සම්බන්ධයෙන් ඇති වූ ආරවුලකින් පසුව ගුණරත්න වන්නිනායකට පහර දුන් බවට චෝදනා මත අදාළ පොලිස් කොස්තාපල්වරයා පසුගිය සතියේ අත්අඩංගුවට ගෙන රක්ෂිත බන්ධනාගාර ගත කළ අතර අනතුරුව ඔහුට ද ඉකුත් සඳුදා ඇප හිමිවිය.
ශ්‍රීලංකා නීතීඥ සංගමයේ සභාපති රජීව් අමරසූරිය මහතා සමඟ ඔහු මෙලෙස පෙනි සිට තිබෙනවා.
තමා අත්අඩංගුවට ගැනීම වළක්වන ලෙස ඔහු සිය නීතිඥවරුන් අභියාචනාධිකරණයට රිට් පෙත්සමක් ඉදිරිපත් කර තිබූ අතර එහිදී ඔහුගේ නීතිඥවරුන් අධිකරණයට දන්වා සිටියේ ගුණරත්න වන්නිනායක මහතා අද අධිකරණයට ඉදිරිපත් වන බවයි.
