ආසියා-පැසිෆික් ලේකම්වරුන්ගේ 26 වැනි සම්මේලනය කොළඹදී සාර්ථකව අවසන් වී තිබේ.
එම සම්මේලනය මෙරටදී පැවැත්වුණේ වසර 25කට පසුවයි.
ශ්‍රී ලංකා පරිපාලන හා වෘත්තීය ලේකම්වරුන්ගේ සංගමය විසින් සංවිධාන කරන ලද මෙම සම්මේලනය අප්‍රේල් 25 සිට 29 දක්වා කොළඹ සිනමන් ග්‍රෑන්ඩ් හිදී පැවැත්වුණේ ‘දේශසීමාවලින් ඔබ්බට විවිධත්වය බලගැන්වීම’ යන තේමාව යටතේය.
මෙම අවස්ථාවට ආසියා-පැසිෆික් කලාපය පුරා පරිපාලන වෘත්තිකයන්, ආයතනික නායකයන් සහ ව්‍යවසායකයන් එක්ව තිබිණි.
වෘත්තීය සංවර්ධනයේ සහ ශ්‍රී ලාංකික ආගන්තුක සත්කාරයේ පොහොසත් මිශ්‍රණයක් ඉදිරිපත් කරමින් ප්‍රධාන දේශන, නායකත්ව සංසද, කුසලතා සංවර්ධන වැඩමුළු සහ සංස්කෘතික විනෝද චාරිකා මෙම සම්මේලනයේ ඇතුළත් විය.
ශ්‍රී ලංකා පරිපාලන හා වෘත්තීය ලේකම්වරුන්ගේ සංගමය සභාපති සහ ආසියා-පැසිෆික් ලේකම්වරුන්ගේ සභාපති අස්රා රියාල්ඩීන් සම්මේලනයේ වර්ධනය, පරිවර්තනය සහ කලාපීය එකමුතුව පෙන්නුම් කරන බව සඳහන් කළේය. මෙම සම්මේලනය කලාපයේ පරිපාලන වෘත්තිය සඳහා ප්‍රධාන සන්ධිස්ථානයක් සනිටුහන් කළා පමණක් නොව, ගෝලීය සිදුවීම් සඳහා ලෝක මට්ටමේ ගමනාන්තයක් ලෙස ශ්‍රී ලංකාවේ හැකියාව සහ ආකර්ෂණය ද ප්‍රදර්ශනය කළේය.