සිරි දළදා දැක්ම වෙනුවෙන් පාසල් සහ සුරාසැල් වැසෙන හැටි

දළදා ප්‍රදර්ශනය පැවැත්වෙන කාල සීමාව අතරතුර මහනුවර නගරයේ මත්පැන් විකිණීම සහ පරිභෝජනය වැළැක්වීම සඳහා දින 10 ක වැඩසටහනක් ක්‍රියාත්මක වන බව සුරාබදු දෙපාර්තමේන්තුව පවසනවා.

එම දෙපාර්තමේන්තුව නිවේදනය කළේ අද සිට අප්‍රේල් 28 වන සඳුදා දක්වා බලපැවැත්වෙන පරිදි, මහනුවර නගර සීමාව තුළ ඇති සියලුම මත්පැන් අලෙවිසැල්, අවන්හල්, බාර් සහ තැබෑරුම් වසා තැබෙන බවයි.

දළදා වන්දනාව අතරතුර සියලුම මත්පැන් අලෙවිය නතර කරන ලෙස මහනුවර දිස්ත්‍රික් ලේකම්වරයා කළ ඉල්ලීමකට අනුව මෙම නියෝගය ලබා දී ඇති බව සුරාබදු කොමසාරිස් ජනරාල් යූ.එල්. උදය කුමාර මහතා පවසා තිබෙනවා.

එමෙන්ම දළදා වන්දනාව සිදු කෙරෙන කාල සීමාව තුළ මහනුවර නගරයේ නීති විරෝධී මත්පැන් අලෙවිය වැළැක්වීම සඳහා දෙපාර්තමේන්තුව නිල ඇඳුමින් සහ සිවිල් ඇඳුමින් සැරසුණු සුරාබදු නිලධාරීන් 200 කට අධික සංඛ්‍යාවක් යොදවා ඇති බවද වාර්තා වෙනවා.

නීති විරෝධී මත්පැන් අලෙවිය සම්බන්ධයෙන් පැමිණීලි, 1913 අංකයට දැනුම් දෙන ලෙස සුරාබදු දෙපාර්තමේන්තුව මහජනතාවගෙන් ඉල්ලා සිටිනවා.

සිරි දළදා දැක්ම’ ප්‍රදර්ශනය හේතුවෙන් මහනුවර නගරය සහ එහි තදාසන්න ප්‍රදේශවල පිහිටි තෝරාගත් පාසල් 37ක් සඳහා නිවාඩු ලබාදීමට මහනුවර කළාප කාර්යාලය තීරණය කර තිබෙනවා.

ඒ අනුව, අප්‍රේල් 21වනදා සිට 25වනදා දක්වා දින 05ක කාලයක් මෙම නිවාඩු ලබාදීම සිදුකරන බව මහනුවර කළාප අධ්‍යාපන අධ්‍යක්ෂවරිය පසඳහන් කළා.

වසාතැබෙන පාසල් එක් එක් කලාප අනුව

මහනුවර අධ්‍යාපන කලාපය

ගුරුදෙණිය මහා විද්‍යාලය
විද්‍යාලෝක විද්‍යාලය, තැන්නෙකුඹුර
ධර්මරාජ විද්‍යාලය
ඩී.එස්. සේනානායක මහා විද්‍යාලය
මහාමයා බාලිකා විද්‍යාලය
බෙරවට්ස් විද්‍යාලය
බෙරවට්ස් ප්‍රාථමික විද්‍යාලය
අම්පිටිය සිද්ධාර්ථ විද්‍යාලය
දඹවෙළ කනිෂ්ඨ විද්‍යාලය
ගෝතමී බාලිකා විද්‍යාලය
ශ්‍රී රාහුල ජාතික පාසල‍
ශා. අන්තෝනි පිරිමි විද්‍යාලය
ශා. අන්තෝනි බාලිකා විද්‍යාලය
චන්දානන්ද බාලිකා විද්‍යාලය
විද්‍යාර්ථ විද්‍යාලය
තක්ෂිලා විද්‍යාලය
හේමමාලි බාලිකා විද්‍යාලය
ශා. සිල්වෙස්තර විද්‍යාලය
මහනුවර වාරියපොළ ශ්‍රී සුමංගල විද්‍යාලය
විවේකානන්ද විද්‍යාලය
පුෂ්පදාන බාලිකා විද්‍යාලය
යහපත් එඬේරාගේ කන්‍යාරාමය
හින්දු ජ්‍යෙෂ්ඨ විද්‍යාලය
මද්දුම බණ්ඩාර විද්‍යාලය
විහාරමහාදේවී බාලිකා විද්‍යාලය
උසස් බාලිකා විද්‍යාලය
ස්වර්ණමාලී බාලිකා විද්‍යාලය
සිද්ධිලෙබ්බේ මහා විද්‍යාලය
ධර්මවික්‍රම බාලිකා විද්‍යාලය
සීතාදේවී බාලිකා විද්‍යාලය
කිංග්ස්වුඩ් විද්‍යාලය
මහානාම මහා විද්‍යාලය
රණබිම රාජකීය විද්‍යාලය
සරසවි උයන මහා විද්‍යාලය
පේරාදෙණිය ම.ම.වි.
පේරාදෙණිය කනිෂ්ඨ ද්විතියික විද්‍යාලය
පේරාදෙණිය හිංදු විද්‍යාලය
ලුම්බිණි රාජකීය විද්‍යාලය
විමලබුද්ධි විද්‍යාලය
රාසිංදෙව් විද්‍යාලය
සෙංකඩගල වීරෝධාර විද්‍යාලය
ධර්මාශෝක විද්‍යාලය
සංඝමිත්තා විද්‍යාලය
කැප්පෙටිපොළ විද්‍යාලය

වත්තේගම අධ්‍යාපන කලාපය

මහවැලි මහා විද්‍යාලය
මහනුවර ආදර්ශ විද්‍යාලය
සමුද්‍රදේවී බාලිකා විද්‍යාලය

දෙනුවර අධ්‍යාපන කලාපය

ඊරියගම පුෂ්පදාන විද්‍යාලය
ගන්නෝරුව කනිෂ්ඨ විද්‍යාලය