ශ්‍රී ලංකාවට අයත් දූපතක් ලෙස සැළකෙන කච්චතිව් දූපත නැවත ඉන්දියාවට ලබාගත යුතුයැයි තමිල්නාඩු ප්‍රධාන අමාත්‍ය එම්.කේ.ස්ටාර්ලින් රාජ්‍ය සභාව වෙත යෝජනාවක් ඉදිරිපත් කර ඇත.
තමිල්නාඩු ධීවරයන්ගේ සම්ප්‍රදායික ධීවර අයිතිවාසිකම් ආරක්ෂා කිරීමටත් ශ්‍රී ලංකා නාවික හමුදාවෙන් එල්ලවන අභියෝග සමනය කිරීමටත් විසඳුමක් ලෙස මෙම යෝජනාව ඉදිරිපත් කරන බව ප්‍රධාන අමාත්‍යවරයා සඳහන් කර ඇත.
ඉන්දු – ශ්‍රී ලංකා ගිවිසුම වහා සමාලෝචනය කර කච්චතිව් නැවත ලබාගැනීමට අවශ්‍ය පියවර ගන්නා ලෙස තමිල්නාඩු ප්‍රධාන අමාත්‍යවරයා අදාළ යෝජනාව මගින් ඉන්දීය මධ්‍යම රජයෙන් ඉල්ලීමක් කර ඇත. මීට අමතරව ශ්‍රී ලංකා රජය රඳවාගෙන සිටින ඉන්දීය ධීවරයින් සහ ඔවුන්ගේ බෝට්ටු නිදහස්කර ගැනීම සඳහා ඉන්දීය අග්‍රාමාත්‍යවරයාගේ ශ්‍රී ලංකා සංචාරයේදී සාකච්ඡා කළ යුතු බවද ඔහු යෝජනා කරයි.