ගෝලීය උණුසුම ඉහළ යාම සහ සාගර උෂ්ණත්වය අධික ලෙස ඉහළ යාම හේතුවෙන් ලෝකයේ කොරල් පර විනාශ වීමේ ප්රවණතාව පෙර නොවූ විරූ ලෙස ඉහළ ගොස් ඇති බව විද්යාඥයෝ අනාවරණය කරති.
රටවල් එකසිය විස්සක දත්ත පදනම් කරගනිමින් ‘ගෝලීය කොරල් පර නිරීක්ෂණ ජාලය’ විසින් සිදුකළ දීර්ඝ කාලීන අධ්යයනයකින් මෙය අනාවරණය කර තිබේ.
පෙර යුගවලදී දශක කිහිපයකට වරක් පමණක් නිරීක්ෂණය වූ මෙම විනාශකාරී කොරල් ඛාදනය වීමේ ක්රියාවලිය, ස්වභාවිකව සුව වීමට ප්රමාණවත් කාලයක් නොලැබීම නිසා මේ වන විට සෑම වසර කිහිපයකට වරක්ම වාර්තා වන බව විද්යාඥයෝ කියා සිටිති.
සමස්ත සාගර ජීවී ප්රජාවගෙන් හතරෙන් එකක් ජීවත් වන්නේ මෙම කොරල් පර මතය. කෙසේ වෙතත්, 2023 වසරේදී වාර්තා වූ පෙර නොවූ විරූ පරිදි පුළුල් වූ කොරල් ඛාදනය වීමේ උවදුර නිසා ලෝකයේ සමස්ත කොරල් ප්රදේශවලින් 77% කට ආසන්න ප්රමාණයකට දැඩි හානි සිදුව ඇත.
මෙම ව්යසනය සාගර පරිසරයට පමණක් සීමා නොවී, ස්වභාවික වෙරළාරක්ෂාව බිඳ වැටීමට සහ මිලියන සංඛ්යාත ජනතාවකගේ ධීවර ජීවනෝපායන් මෙන්ම ආහාර සුරක්ෂිතතාවටද තර්ජනයක් වී තිබේ.
