ශ්‍රී ලාංකේය සංචාරක ව්‍යාපාරයේ නව ප්‍රවේශයක් ලකුණු කරමින් City of Dreams – Sri Lanka නිල වශයෙන් විවෘත කෙරේ.
මේ සලකුණු වන්නේ ශ්‍රී ලාංකේය සංචාරක ව්‍යාපාරයේ සුඛෝපභෝගී සලකුණය. මෙතෙක් සංචාරක ව්‍යාපාරය විෂයෙහි රට තුළ සිදුවූ විශාලතම පෞද්ගලික අංශයේ ආයෝජනය ය. දකුණු ආසියාවේ පළමු පූර්ණ ඒකාබද්ධ නිවාඩු නිකේතනය City of Dreams – Sri Lanka ය.
මෙම ව්‍යාපෘතිය මගින් විවේකය, විනෝදාස්වාදය සහ ඉහළ පෙළේ කේවල වෙළඳාම සඳහා කලාපීය ගමනාන්තයක් ලෙස ශ්‍රී ලංකාවේ තත්ත්වය ඉහළ නංවනු ඇතැයි අපේක්ෂා කෙරේ.
ජෝන් කීල්ස් හෝල්ඩින්ග්ස් (JKH) හි සහාය ඇතිව, ඇමරිකානු ඩොලර් බිලියන 1.2 ක ව්‍යාපෘතියක් විවෘත කිරීමේදී බොලිවුඩ් සුපිරි තරුවක් වන හෘතික් රොෂාන් ද පැමිණ ඇත.
ඉහළම මට්ටමේ ජාත්‍යන්තර ප්‍රමිතියෙන් යුත් කැසිනෝ ශාලාවක්, අති සුඛෝපභෝගී නුවා හෝටලය සහිත දකුණු ආසියාවේ පළමු පූර්ණ ඒකාබද්ධ සුඛෝපභෝගී නිවාඩු නිකේතනයේ වැදගත්ම සංචාරක ආකර්ශනය වනු ඇත්තේ වර්ග අඩි 180,000 ක ප්‍රමාණයෙන් යුත් කැසිනෝ ශාලාව බවට තක්සේරු කර තිබේ.
