ජාතික ඖෂධ නියාමන අධිකාරිය (NMRA) විසින් 2025 ජූලි 18 වැනි දින වන විට මෙරට ඔසුසැල් 219ක බලපත්‍ර අත්හිටුවා ඇති බව සෞඛ්‍ය අමාත්‍ය වෛද්‍ය නලින්ද ජයතිස්ස පැවසීය.
2024-2025 සඳහා බලපත්‍ර අලුත් කිරීම සඳහා ජාතික ඖෂධ නියාමන අධිකාරිය වෙත අයදුම්පත් 2,039ක් ලැබී ඇති බවත්, බලපත්‍ර අලුත් කර ඇත්තේ ඔසුසැල් 1,820ක් සඳහා පමණක් බවත් ඔහු පාර්ලිමේන්තුව හමුවේ පැවසීය.
විපක්ෂ නායක සජිත් ප්‍රේමදාස ඇසූ ප්‍රශ්නයකට පිළිතුරු දෙමින් අමාත්‍යවරයා පැවසුවේ ඔසුසල් 219න් 137ක බලපත්‍ර අත්හිටුවා ඇත්තේ ස්ථිර ඖෂධවේදීන් නොමැති වීම හේතුවෙන් බවයි.
ස්ථිර ඖෂධවේදීන් සේවයේ යොදවන තුරු ඔවුන්ගේ බලපත්‍රය අත්හිටුවා ඇති බව ඔහු පැවසීය.
ප්‍රජා ඖෂධ භාවිතයන් සඳහා වන මාර්ගෝපදේශ සපුරාලීමට අපොහොසත් වීම හේතුවෙන් ඔසුසල් 219න් 82ක බලපත්‍ර අලුත් කිරීම සඳහා වන අයදුම්පත් ප්‍රතික්ෂේප කර ඇති බව අමාත්‍යවරයා සඳහන් කළේය.
