අභියාචනාධිකරණයේ සභාපති විනිසුරු ලෙස නීතිපති දෙපාර්තමේන්තුවේ අපරාධ අංශ භාර අතිරේක සොලිසිටර් ජනරාල් රොහාන්ත අබේසුරිය පත් කිරීමට ආණ්ඩුක්‍රම ව්‍යවස්ථා සභාව අනුමැතිය ලබා දී ඇති බව වාර්තා වේ.
අභියාචනාධිකරණ සභාපති විනිසුරු බන්දුල කරුණාරත්න විශ්‍රාම පූර්ව නිවාඩු ලබා ගැනීමත් සමඟ 2025 පෙබරවාරි 02 වන දින විනිසුරු මොහොමඩ් ලෆාර් තාහිර් වැඩබලන අභියාචනාධිකරණ සභාපති ලෙස පත් කෙරුණි.
අනතුරුව, වැඩබලන අභියාචනාධිකරණ සභාපති ලෙස විනිසුරු මොහොමඩ් ලෆාර් තාහිර්ගේ ධූර කාලය දීර්ඝ කර කිරීමට ජනාධිපතිවරයා විසින් පෙබරවාරි 17 වන දින පියවර ගනු ලැබීය.
අභියාචනාධිකරණයේ වැඩබලන සභාපති මොහොමඩ් ලෆාර් ජුනි 18 වැනිදා වයස අවුරුදු 63 සම්පූර්ණ වීමත් සමඟ විශ්‍රාම යෑමට නියමිතව ඇත.