ශ්‍රී ලංකාවේ සංචාරය සඳහා පැමිණෙන විදෙස් ජාතිකයන් විසින් මෙරටදී ත්‍රී රෝද රථ පැදවීමේ ප්‍රවණතාව ඉහළ ගොස් ඇති අතර, පසුගිය කාලසීමාවේදී මේ සම්බන්ධව සිදු වූ මාරක සහ අනෙකුත් අනතුරු ඉහළ ගොස් ඇති බව නිරීක්ෂණය වී තිබෙනවා.
මේ සම්බන්ධයෙන් අවධානය යොමු කිරීමේදී අනාවරණය වී ඇත්තේ මෙම අනතුරුවලට අදාළව රිය පදවන ලද විදේශීය ජාතිකයින් සඳහා ත්‍රීරෝද රථ පැදවීම සඳහා බලපත්‍ර නොමැති වීම සහ පුහුණුවක් නොමැති වීම මෙම අනතුරු සිදු වීමට හේතු වී ඇති බවයි.
විදේශිකයෙකුට මෙරටදී වාහන පැදවීම සඳහා පහත සඳහන් බලපත්‍ර වලින් එකක් හෝ අවශ්‍ය වේ.
A මෙරට වලංගු රියදුරු බලපත්‍රය
B මෙරටට වලංගු ජාත්‍යන්තර රියදුරු බලපත්‍රය
C ඔහුගේ රටේ රියදුරු බලපත්‍රය
ඉහත සඳහන් බලපත්‍ර වලංගුව තිබිය යුතු අතර ජාත්‍යන්තර රියදුරු බලපත්‍ර නිකුත් කිරීමේදී ත්‍රී රෝද රථ පැදවීම සඳහා වලංගු පංතියක් ඇතුලත් කරනු නොලබයි.
එසේම මෙරටදී සිදු කරන රියදුරු බලපත්‍ර පරිවර්තනයේදීද ත්‍රී රෝද රථ සඳහා වලංගු බලපත්‍ර නිකුත් කරනු නොලබයි.