ශ්රී ලංකාවේ මධ්යසාර හා දුම්කොළ පරිභෝජනයෙන් සිදුවන ආර්ථික අලාභය වාර්ෂිකව රුපියල් බිලියන 241 ක් වේ.
එය දිට්වා සුළි කුණාටුවෙන් සිදුවූ මුළු ආර්ථික අලාභයෙන් පහෙන් එකක් වන අතර, සෞඛ්ය සේවා සඳහා රජය විසින් වෙන්කරන ලද මුළු අයවැයෙන් සියයට 40 ක් බව මධ්යසාර හා මත්ද්රව්ය තොරතුරු මධ්යස්ථානය (ADIC) පවසයි.
ADIC පවසන්නේ සමස්තයක් වශයෙන් සියයට 19.4 ක් (වැඩිහිටියන් මිලියන 3.2 ක්), පිරිමින්ගෙන් සියයට 36.2 ක් සහ කාන්තාවන්ගෙන් සියයට 4.9 ක් දුම්කොළ භාවිත කරන බවයි.
දුම්කොළ භාවිතා කරන්නන් දිනකට රුපියල් මිලියන 520 ක් සිගරට් සඳහා වැයකරන අතර, එය වාර්ෂිකව රටේ දළ දේශීය නිෂ්පාදිතයෙන් (GDP) සියයට 1.5 ක් වේ.
දුම්කොළ ආශ්රිත මරණ 50 කට ආසන්න ප්රමාණයක් දිනපතා සිදු වේ.
දුම්කොළ යනු බෝනොවන රෝග සඳහා ප්රධාන අවදානම් සාධකයක් වන අතර එය මරණ වලින් සියයට 83.9කට පමණ දායක වේ.
වාණිජ අවශ්යතාවලට වඩා මහජන සෞඛ්යයට ප්රමුඛත්වය දෙන ලෙසත්, ප්රමාද වූ දුම්කොළ පාලන ප්රතිපත්ති කඩිනමින් අනුගමනය කරන ලෙසත්, අනාගත පරම්පරාවන් ආරක්ෂා කිරීම සඳහා දුම්කොළ කර්මාන්ත මැදිහත්වීම් සියලු ආකාර ක්රියාකාරීත්ව හඳුනාගෙන වැළැක්වීමට ADIC ප්රතිපත්ති සම්පාදකයින්ගෙන් ඉල්ලා සිටී.
