මෙහෙයුමකදී ඇති වූ ප්රචණ්ඩකාරී ගැටුමකින් පසුව, ත්රිකුණාමලය වෙරළ තීරයේ ධීවරයකුට වෙඩිතැබූ බවට නාවික හමුදාවට චෝදනා එල්ල වී ඇති අතර, ධීවර අමාත්ය රාමලිංගම් චන්ද්රසේකරන් ඒ සම්බන්ධයෙන් ශ්රී ලංකා නාවික හමුදාවෙන් සවිස්තර වාර්තාවක් ඉල්ලා තිබේ.
අමාත්යවරයා නාවික හමුදාවට සම්පූර්ණ පරීක්ෂණයක් පවත්වා කඩිනමින් වාර්තාවක් ඉදිරිපත් කරන ලෙස උපදෙස් දී ඇති බවත්, එහි සොයාගැනීම් මත පදනම්ව ඉදිරි පියවර ගන්නා බවත් අමාත්යාංශය පවසයි.
නීතිවිරෝධී මසුන් ඇල්ලීමේ යෙදීසිටි සැකකරුවන් අත්අඩංගුවට ගැනීම සඳහා ජුනි 3 වැනි දින නාවික හමුදා කණ්ඩායමක් යොදවා තිබූ බව නාවික හමුදා ප්රකාශක කමාන්ඩර් බුද්ධික සම්පත් තහවුරු කළේය.
නීතිමය කටයුතු සඳහා ධීවර යාත්රාවක් ගොඩබිමට ගෙන එන අතරතුර, තවත් බෝට්ටු කිහිපයක් නාවික යාත්රාව වෙත ළඟාවී තිබේ.
එම යාත්රාවල සිටි පුද්ගලයන් නාවික බෝට්ටුවට නැග, නිලධාරීන්ට පහර දී, රඳවාගෙන සිටි සැකකරුවන් නිදහස් කරගැනීමට උත්සාහ කළ බව වාර්තා වේ.
ගැටුම අතරතුර, එක් පුද්ගලයකු නාවික නිලධාරියෙකුගේ ගිනිඅවියක් උදුරා ගැනීමට උත්සාහ කළ බවත්, එහි ප්රතිඵලයක් ලෙස ආයුධය ක්රියාත්මක වූ බවත් කියනු ලැබේ.
තුවාල ලැබූ පුද්ගලයා රෝහල්ගත කර ඇති අතර, සිද්ධියෙන් තුවාල ලැබූ නාවික හමුදා නිලධාරීන් දෙදෙනෙකු ද රෝහල්ගත් කර ඇත.
