ඉන්දීය අගමැති නරේන්ද්‍ර මෝදි ගේ ශ්‍රි ලංකා සංචාරයේ සැලැස්ම සම්බන්ධව කැබිනට් මාධ්‍ය ප්‍රකාශක අමාත්‍ය වෛද්‍ය නලින්ද ජයතිස්ස විසින් පැහැදිලි කළේය.
ඔහු සිය පැහැදිලි කිරීම කළේ කැබිනට් තීරණ දැනුම් දීමේ මාධ්‍ය සාකච්ඡාව අතරය.
ඉන්දීය අගමැති නරේන්ද්‍ර මෝදි මැතිතුමා අප්‍රේල් 4 ලංකාවට එනවා. 5, 6 දෙදින තුළ එම සංචාරයට අදාලව යොදාගත්ත වැඩසටහන් තියනවා. අප්‍රේල් 5 නිදහස් චතුරශ්‍රයේ දී නිරේන්ද්‍ර මෝදි අගමැතිවරයා නිල වශයෙන් පිිළිගැනීම පැවැත්වෙනවා.
අනතුරුව ද්වී පාර්ශවික සාකච්ඡා පැවැත්වෙනවා. ඉන් අනතුරුව ඉන්දීය අගමැතිවරයා සහ ජනාධිපතිවරයා ද්වී පර්ශවික සාකච්ඡා ගැන මාධ්‍යවලට කතා කරනවා.
සාම්පූර් සූර්ය බලාගාර ව්‍යාපෘතිය සහ ආගමික ස්ථාන කීපයකට සූර්ය බල පද්ධති ලබා දීම සහ දඹුල්ල ශීතාගාරය විවෘත කිරීම කොළඹ සිට එදින සිදුකරනවා.
අප්‍රේල් 06 වැනිදා එතුමා අනුරාධපුර ශ්‍රී මහා බෝධීය වන්දනා කිරීමට යනවා. එතනදි අනුරාධපුර දැනට පවතින දුම්රිය සංඥා පද්ධතිය ආරම්භ කිරීම සහ දුම්රිය මාර්ගය විවෘත කිරීම සිදුකරනවා. මේව තමයි දැනට තියන වැඩසටහන.
බලශක්ති, සෞඛ්‍යය, ඩිජිටල් ආර්ථිකය, ආරක්ෂාව ඇතුළු ද්වි පාර්ශවික ගිවිසුම් කීපයකට එළඹෙන්න අදහස් කරනවා. මේ සම්බන්ධව සියලු තොරතුරු ද්වී පාර්ශවික සාකච්ඡා අතරතුරත් ඉන් පසුවත් සාකච්ඡා කරනවා.