වාහන අංක තහඩු නිකුත් කිරීමේ ගැටලුවට විසදුම් නෑ.

වාහන අංක තහඩු නිකුත් කිරීම මාස ගණනාවක් තිස්සේ නතර වී ඇති පසුබිමක ඇස්තමේන්තුගත වාහන 95,000කට සහ යතුරුපැදි 80,000කට වැඩි ප්‍රමාණයකට නිල අංක තහඩු නිකුත් කර නොමැති බව මෝටර් රථ ප්‍රවාහන දෙපාර්තමේන්තුව (DMT) පිළිගෙන ඇත.

2025 අප්‍රේල් මාසයේදී අවලංගු කරන ලද කොන්ත්‍රාත්තුවක්, ටෙන්ඩර්වල ප්‍රමාදයන් සහ ඉල්ලුමට මුහුණ දීමට නොහැකි යල් පැන ගිය ලියාපදිංචි කිරීමේ පද්ධතියක් හේතුවෙන් මෙම හිඟය ඇති වූ බව පරීක්ෂණයකින් හෙළි විය.

කොන්ත්‍රාත්තුව අවලංගු කිරීමෙන් පසු මෝටර් රථ ප්‍රවාහන දෙපාර්තමේන්තුවේ දිගුකාලීන වාහන තහඩු වෙළෙන්දා 2025 අප්‍රේල් 30 වැනිදා නිෂ්පාදනය නතර කළේය.

විකල්ප වෙළෙන්දෙකු නොමැති බැවින්, 2025 අප්‍රේල් 28 වැනිදා සිට අංක තහඩු නිෂ්පාදනය නතර කරන ලදී.

මෙම දිනයෙන් පසු ලියාපදිංචි වූ මෝටර් රථ හිමියන්ට තාවකාලික මුද්‍රිත හෝ අතින් ලියන ලද අංක ලබා දෙන ලදී.

ප්‍රවාහන අමාත්‍යාංශය 2025 මැයි මාසයේදී නව වෙළෙන්දෙකු සඳහා ටෙන්ඩර් කැඳවූ නමුත් නිලධාරීන්ට අනුව ‘තාක්ෂණික සහ ප්‍රසම්පාදන ගැටළු’ හේතුවෙන් මෙය ප්‍රමාද විය.

දෙවැනි ටෙන්ඩර් කැඳවීම පසුව 2025 ජූලි මාසයේදී නිකුත් කරන ලදී.

ලංසුව 2025 අගෝස්තු මස මුලදී විධිමත් ලෙස අවසන් වූ අතර, කැබිනට් මණ්ඩලය විසින් පත් කරන ලද ප්‍රසම්පාදන කමිටුවක් 2025 අගෝස්තු 18 වැනිදා ලංසු විවෘත කළේය.

එහිදී දේශීය හා විදේශීය සමාගම් 15ක් විසින් යෝජනා ඉදිරිපත් කර ඇත.

පිරිවැය, ආරක්ෂාව සහ බෙදා හැරීමේ හැකියාව මත කමිටුව දැන් ඒවා සළකා බලමින් සිටී.

“නව සැපයුම්කරු ඉක්මනින් තෝරා ගන්නවා, කොන්ත්‍රාත්තුව ප්‍රදානය කිරීමෙන් මාස දෙක තුනක් ඇතුළත අංක තහඩු පිරිනමන්න පුළුවන් වෙයි,” මෝටර් රථ ප්‍රවාහන දෙපාර්තමේන්තුවේ කොමසාරිස් ජනරාල් කමල් අමරසිංහ මෑතකදී පැවති මාධ්‍ය හමුවකදී පැවසීය.

අර්බුදයට බලපාන ව්‍යුහාත්මක දුර්වලතා ද හෙළි වී තිබේ.

1996 දී හඳුන්වා දුන් ලියාපදිංචි කිරීමේ පද්ධතිය සඳහා යටින් පවතින මෘදුකාංගය යල් පැන ගිය එකක් වන අතර වැඩිවන ඉල්ලුම යටතේ එය වරින්වර බිඳ වැටේ.

2025 දී පමණක් නව මෝටර් රථ ලියාපදිංචි කිරීම් 133,000කට වඩා වාර්තා වී ඇති අතර එය පද්ධතියේ මුල් ධාරිතාවට වඩා බෙහෙවින් වැඩි ය.

මැයි මාසයේදී මෝටර් රථ ප්‍රවාහන දෙපාර්තමේන්තුව විසින් නිල ඒවා වෙනුවට තාවකාලික අතින් ලියන ලද තහඩු සඳහා අවසර දෙන චක්‍රලේඛයක් නිකුත් කරන ලදී.

රථවාහන පොලිසියට ඒවා නීත්‍යනුකූලව වලංගු ලෙස සළකන ලෙස උපදෙස් දී ඇත.
නමුත් බලාත්මක කිරීම තෝරා බේරා ගැනීමකි.

“තාවකාලික අංක නීත්‍යනුකූලයි, නමුත් පණිවිඩය සියලුම නිලධාරීන්ට ලැබී නැහැ. සමහර මෝටර් රථ හිමියන් තවමත් නවතා ප්‍රශ්න කරනවා” රථවාහන පොලිස් නිලධාරියෙක් පැවසීය.

මෝටර් රථ අලෙවිකරුවන් පවසන්නේ මෙම හිඟය විකුණුම්වලට හානි කරන බවත්, මිලදී ගන්නන් අංක තහඩු නොමැතිව නව වාහන පිළිගැනීමට කැමති නැති බවත්ය.

“පාරිභෝගිකයන් වාහන සඳහා මුදල් ගෙවා ඇතත් අංක තහඩු නොමැතිව අලෙවිය සම්පූර්ණ වෙන්නේ නැහැ,” යනුවෙන් කොළඹ අලවිකරුවෙකු පැවසීය.

2025 අගෝස්තු අග වන විට ද කිසිදු සැපයුම්කරුවකු තෝරාගෙන නොතිබිණි.