ගෝලීය ආර්ථික වර්ධනය සඳහා වූ පුරෝකථනය තවදුරටත් පහතට

ගෝලීය ආර්ථික වර්ධනය සඳහා වූ පුරෝකථනය තවදුරටත් පහත දැමීමට එක්සත් ජාතීන්ගේ සංවිධානය පියවර ගෙන තිබේ.

අඟහරුවාදා නිකුත්කළ වසර මැද යාවත්කාලීන යටතේ මැදපෙරදිග අර්බුදය උද්ධමනකාරී පීඩනයන් නැවත ඇති කර ඇති බවත් අවිනිශ්චිතතාව ඉහළ ගොස් ඇති බවත් එක්සත් ජාතීන්ගේ සංවිධානය පවසයි.

ලෝක ආර්ථික තත්ත්වය සහ අපේක්ෂාවන් සාරාංශ කරන එක්සත් ජාතීන්ගේ මාධ්‍ය නිවේදනයට අනුව ගෝලීය දළ දේශීය නිෂ්පාදිත වර්ධනය 2026 දී 2.5%ක් ලෙස පුරෝකථනය කර ඇත.

එය 2025 දී ඇස්තමේන්තුගත වර්ධනය 3.0%ක් වන අතර එය ජනවාරි ප්‍රක්ෂේපණයට වඩා සියයට 0.2ක් අඩු වෙයි.

මෙම තත්ත්වය කොවිඩ් වසංගතයට පෙර පැවති වර්ධන අනුපාතවලට වඩා බෙහෙවින් අඩුය.

2027 දී 2.8%ක සුළු ප්‍රකෘතියක් එක්සත් ජාතීන්ගේ සංවිධානය පුරෝකථනය කර ඇත.

බලශක්ති මිල ඉහළ යෑම බලශක්ති සමාගම් සඳහා අනපේක්ෂිත ලාභ ලබා දී ඇති නමුත් නිවාස සහ ව්‍යාපාර සඳහා පිරිවැය පීඩනය තීව්‍ර කර ඇති බව එම නිවේදනයේ දැක්වේ.

සංවර්ධිත ආර්ථිකයන්හි, උද්ධමනය 2025 දී 2.6% සිට 2026 දී 2.9% දක්වා සහ සංවර්ධනය වෙමින් පවතින ආර්ථිකයන්හි 4.2% සිට 5.2% දක්වා ඉහළ යනු ඇතැයි පුරෝකථනය කර ඇත.

පොහොර සැපයුම් කඩාකප්පල් වී ඇති අතර, පිරිවැය ඉහළ ගොස් ඇත.

එමඟින් බෝග අස්වැන්න අඩු විය හැකි අතර, ආහාර මිල මත ඉහළ පීඩනයක් ඇති කරයි.

වඩාත්ම දරුණු හානිය බටහිර ආසියාවේ වන අතර, එහි වර්ධනය 3.6% සිට 1.4% දක්වා පහත වැටෙනු ඇතැයි පුරෝකථනය කර ඇත.

එක්සත් ජනපදය සාපේක්ෂව ඔරොත්තු දෙන ලෙස පවතිනු ඇතැයි අපේක්ෂා කෙරේ.

2026 දී ඔවුන්ගේ 2.0% ක වර්ධනයක් පුරෝකථනය කර ඇති අතර, ශක්තිමත් ගෘහස්ථ ඉල්ලුම සහ තාක්ෂණික ආයෝජන මත 2025 සිට බොහෝ දුරට ස්ථාවර වේ.

යුරෝපා සංගමයේ රටවල වර්ධනය 1.5% සිට 1.1% දක්වා සහ බ්‍රිතාන්‍යයේ 1.4% සිට 0.7% දක්වා මන්දගාමී වනු ඇතැයි පුරෝකථනය කර ඇත.

චීනයේ විවිධාංගීකරණය වූ බලශක්ති මිශ්‍රණය, සැළකිව යුතු උපායමාර්ගික සංචිත සහ ප්‍රතිපත්තිමය සහයෝගය ආරක්ෂාවක් සපයන අතර, එහි වර්ධනය 5.0% සිට 4.6% දක්වා මධ්‍යස්ථ වනු ඇතැයි පුරෝකථනය කර ඇත.

ඉන්දියාවේ නිෂ්පාදනය 7.5%ට සාපේක්ෂව 6.4%කින් වනු ඇතැයි අපේක්ෂා කෙරේ.

අප්‍රිකාවේ සාමාන්‍ය වර්ධනය 4.2% සිට 3.9% දක්වා තරමක් අඩු වනු ඇතැයි පුරෝකථනය කර ඇත.