හිටපු විදුලිබල අමාත්‍ය පාර්ලිමේන්තු මන්ත්‍රී නීතිඥ අජිත් පී පෙරේරා මහතා සහ ශ්‍රී ලංකාවේ ඉන්දීය මහ කොමසාරිස් සන්තෝෂ් ජා මහතා අතර හමුවක් ඊයේ පස්වරුවේ කොළඹ ඉන්දියන් හවුස් හිදී පවත්වා ඇත.
අවස්ථා කිහිපයකදී ඉන්දියාව සහ ශ්‍රී ලංකාව අතර අත්සන් කෙරුණු ගිවිසුම් පිළිබඳව පාර්ලිමේන්තුවේදී සහ ඉන් පිටත දී විටින් විට ප්‍රශ්න කරන ලද පාර්ලිමේන්තු මන්ත්‍රී අජිත් පී පෙරේරා මහතා,ඊයේ පාර්ලිමේන්තුවේදීද අග්‍රාමාත්‍යවරියගෙන් මේ පිළිබඳව විමසීමක් සිදු කර තිබියදී මෙම හමුව සිදුව තිබේ.
ඉන්දීය මහ කොමසාරිස්වරයාගේ ඉල්ලීමකට අනුව මෙම හමුව සිදුවූ බව සඳහන්.
